Ka yalehke ynne ka 3 tarik ha ka lympung Cricket ka Seiñraij Ummulong kawa tip kam ka Ram Sing Lamare Cricket Tournament 2021, da pynman hapyrdi ka Lumbhahdakha United pyrchah ya ka Staunch.
Ha kani ka yakhun ka yaleh da man ko kawa yoosuk bha heiwa ki arliang da yaleh bha ki wow pynyoo ya i sap yong ki wei hawa kut ka Staunch da jop ko da 242 Run.
Uwa boon Run dooh toh u Calmyone Passah uwa da yoh 109 Run bood won sa u Redolan Shylla uwa da yoh 67 Run.
Kiwa kawang bol wa ye u pynhaap boon Wicket dooh toh u Comforter Dhar 3 Wicket wa u Carefully Passah 3 Wicket.
Mynstep ka 4 tarik ka yalehke u man ko hapyrdi ka Umshangiar pyrchah ya ka Iawthymbleiñ heipor 9:00 waje i step, bood won sa ka Mission Combine pyrchah ya ka Mooryngkneng heipor 12:30 i sngi.
