Ka Raj Bhawan wa em ha Tura da wai yaka ynne da u Lat ka jylla, u Phagu Chauhan deiwa emlang u Montri Rangbah ka jylla, u Conrad K Sangma heiwa neiliang u Lat da embynta u lyngba ka Internet.
U Conrad hawa e yei klam da ong u wa ynne ka sngi toh ka wow sahkynmoo yaka Ri-loom Garo neibhah pynyoo ko wa da kynthup lang ya waroh kiwa em hapoh ka jylla wei ka President ka ri, ka Draupadi Murmu manda wan ko ha Tura yow wai yaka Meghalaya Games daw sah ko heini.
Ya kani ka Raj Bhawan da chna ha Danakgre, Tura hei lut wa Rs. 24.1 klur hei thaw wa heh 28.45 Acre.
Ya kani ka thaw da pynwandur yow chna ha u snem 2009 hei lut wa Rs. 5.48 klur da ki yung “Assam type” tangwa hadien da pynkylla dur heiwa ha u 2016 da pynkylla yow chna noh da i yung khyndaw-bilat iwa da pynsahkut yei kreh wei da pynim yeini i kreh ha u 2021 da u Conrad uwa da pynmih ar tylli ki Work Order wa thymme kiwa chong dor Rs.10.98 klur wa Rs.7.69 klur.
Kamtæ deiwa pynchna thymme da ye wow pyndep hapoh 3 snem.
Da emlang ha kani ka sngi wa u Thomas A Sangma, Speaker Meghalaya Legislative Assembly, ka Agatha K Sangma, MP wa u Jagdish Chelani DC ka West Garo Hills kiwa da lai pait leh ya kani ka yung wa thymme.
Discussion about this post