Ka sorkar jylla ynne ka sngi da wanrah ko ya ka Ordinance neibynta wow pyndam noh ya ka aiñ yakhle wa tip kam ka Meghalaya Regulation of Gaming Act, 2021 wei yeini da pyntip da u Montri Rangbah ka jylla, u Conrad K Sangma.
Da ong u wa ka dhab ki Montri da mynjur ko ya ka Ordinance wow pyndam ya kani ka aiñ, wei kani ka Ordinance daw rah noh mar ya chong ka Dorbar Chna Aiñ wow wan.
Kam wow kdaw heini ki seiñbhalang wa ki seiñ niam wa boon da pyrchah bha ki ya kani ka aiñ wei da dawa ki leh wow pyndam noh ya ka.
