Da wanrah ya ka aiñ pynku bai-baam tymmen ki MDC ka JHADC

Ka Dorbar Mang Tangka ka Jaiñtia Hills Autonomous District Council (JHADC) ynne ka sngi da wanrah wei da pdiang ko ya ka aiñ wow pynku ya ka bai baam-tymmen ki MDC lyngba ka Bill wa da wanrah ya kawa da tip kam ka “The Jaiñtia Hills Autonomous District Council (Members Pension)(Fourth Amendment) Bill, 2018.

Ya ini i pynkylla ya kani ka aiñ (Bill) da wanrah haka 27 Naiynñiaw 2018 wei manda man aiñ ko wei hadien wa pdiang u Lat ka jylla ya ka deiwa krehkaam ko nadooh ka 1 Naiynñiaw 2018.

Lyngba ini i pynku ya ka bai-baam tymmen ki MDC katkam ki kattu katni ki bynta ki kyndon u man ko wa lada man MDC u bru ar samoi pura (5 snem chi samoi) ka bai baam-tymmen u man ko T. 20,000 chi bnai.

Lada man MDC pura le samoi pura ka bai baam-tymmen u man ko T. 25,000 chi bnai, lada 4 sien u man ko T. 30,000 chi bnai.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Chooh chooh lada ki MDC chim ki ya ka bai baam-tymmen katkm kani ka aiñ, u yoh ki ya ka bai dawai namo ka Medical Allowance kawa man T. 5,000 chi bnai.