Shillong: Ka Meghalaya Compulsory Registration of Marriage (Amendment) Bill, 2019 da wanrah yaka ynne ka sngi hapoh ka dorbar chna aiñ ka jylla.
Hapoh kani ka Bill, da pynkylla yaka Section 2 ka Meghalaya Compulsory Registration of Marriage Act, 2012, wei hadien ka Clause (i), da booh saka Clause (j).
Hapoh ka Clause (j) haka Section 2, da ong wa i ktien “Official Purposes”, heiyatoh wa kani ka aiñ u mut ko ka “Contract of Marriage” namo ka yasoi soskular hapyrdi ki ar ngut heiyatoh waka Pension, i hiar pateiñ wa i pynbiang ya iwa emkaam ki chi kurim.
Katkam ka jubab RTI wa da yoh daka seiñ Maitshaphrang, da chem wa boon ki chnat sorkar ym pu em pynkrehkaam ki ya kani ka aiñ neidaw wa i ktien “Official Purposes” ym pu em batai che kani ka aiñ.
Ka sorkar jylla haka hukum wa pynmih ko haka 05-12-16 da phah ko ya waroh ki chnat sorkar wa ki paidbah emkaam ki u wanrah yaki Marriage Certificate neibynta ki kaam “Official Purposes”.
Neiliang won u montri ka chnat ka rep ka riang, u Banteidor Lyngdoh da wanrah u yaka Meghalaya Farmers’ (Empowerment) Commission Bill, 2019.
Da wanrah leh yaka Meghalaya Building and Other Construction Workers Welfare Board Bill, 2019 ynne ka sngi.
Kiwi de ki Bill kiwa da wanrah toh ka The Meghalaya Electricity Duty (Amendment and Validation) Bill, 2019, The Court Fees (Meghalaya Amendment) Bill, 2019, The Meghalaya Regulation of the Game of Arrow Shooting and Sale of Teer Tickets (Amendment) Bill, 2019 waka The Meghalaya Forest Regulation (Amendment) Bill, 2019.
Discussion about this post