Da yabhah thymme ya ki chnat sorkar hapyrdi u Paul, u Sanbor wa u Timothy

Hadien wa hiar chuki u Metbah Lyngdoh kam u Montri sorkar heiwa da baam smai noh da u Paul Lyngdoh heithaw yong oo, da mih leh ki khubor wa daw em kiwi ki Montri kiwa daw chah kylliang noh ki chnat wa ksoh ki.

Kamtæ neiliang ka Cabinet Affairs Department lyngba u Chief Secretary ka jylla da pyntip u wa katkam wa da tyrwa da u Chief Minister wei deiwa mynjur u Lat ka jylla da yabhah thymme ya ki chnat sorkar (Portfolio) hapyrdi ki le ngut ki Montri sorkar.

U Timothy D Shira u ksoh u ya ka Department of Agriculture & Farmers Welfare, Power Department wa Department of Water Resources. Chwa ini da ksoh u ya ka Agriculture and Farmers’ Welfare Department, Fisheries Department wa ka Tourism Department.

U Paul Lyngdoh u ksoh u ya ka Department of Social Welfare, Department of Tourism wa Department of Arts & Culture.

Related posts

Lai ah, lai khyndang lai tympiah ki pulit ya ki tala wa khang ka KHADC ya ka thaw kreh Shillong Ropeway

November 4, 2026

Khut ka EduCareer Point Institute wow yaleh ya ka Free Hospitality Training Programme

November 4, 2026

U Sanbor Shullai u ksoh u ya ka Department of Animal Husbandry & Veterinary, Fisheries Department, Taxation Department, Legal Metrology Department wa ka Printing & Stationery Department. Chwa ini da ksoh u ya ka Animal Husbandry and Veterinary Department, Arts & Culture Department, Legal Metrology Department wa ka Printing & Stationery Department.

U Metbah Lyngdoh won chwa wow hiar chuki u da ksoh u ya ka Power Department, Textiles Department, Water Resources Department wa Taxation Department.