Ynne ka sngi ka thap Vote ha ki 14,480 tylli ki Polling Station yong ki 43 Assembly Constituency ka West Bengal kawa man ka Phase VI da man ko kawa lai bait heiwa da pynkrehkaam ya ki kyndon yada COVID-19 kam wow sap mask, u jngai iwi na iwi wa kiwi kiwi.
Waroh kiwa wan thap Vote ha kani ka sngi hadooh 5:00 waje i janmiet da man em ki 79.09% yong kani ka Phase VI.
Ha ka 16 tarik uni u bnai ka ECI da kyntu ko ya ki National, State Political Party wow bood ya ki kyndon yada COVID-19 heipor wa pynman ya ki yalang wa ki yalap Election.
Da phah leh ya ki bor District wow pynkrehkaam ya ka Disaster Management Act 2005, Epidemic Diseases Act 1897 wa kiwi ki kyndon wei lada jia wa em wa tyngkheiñ ya ki kyndon wow pyndooh ya ki ebor (Permission) wow pynman chooh ya ki yalap Election.
Ha kani ka Phase VI kiwa thap Vote kiwa em duna ha i doh i pran wa kiwa da em 80 snem chajrong da em ki 64,266 ngut wa 1,57,290 ngut.
Da em 14,480 tylli ki Ballot Unit (BU), 14,480 tylli ki Control Unit (CU) wa 14,480 tylli ki VVPAT kiwa da pynemkaam ha kani ka Phase VI.
7466 (51.56%) na ki 14,480 tylli ki Polling Station da pait ya ki Live lyngba ka Webcasting wei da pynemkaam leh ya ki Drone wow pait yei rukom thap Vote.
Hadooh kani ka Phase VI ka Election MLA ha West Bengal, da yoh kem hadooh T. 316.47 klur ka poisa.
