Da yoh yaroh chadooh Europe ya ki that wa thaiñ na Meghalaya

Ka chnat Textiles, ka sorkar Meghalaya deiwa ya krehlang waka National Institute of Fashion Technology (NIFT), ka Ministry of Textiles, ka sorkar India ynnin da pynman ki ya ka lehkmen hapoh ka jylla yaka National Handloom Day 2023 ha NIFT, Shillong Campus, Umsawli heiwa u Montri ka chnat Textiles, u Paul Lyngdoh da embynta lang u kam u kongsan katwa u MLA ka Nongpoh, u Mayral Born Syiem da wan u kam u symbood kongsan.

Hawa e yei klam, u Paul Lyngdoh da ong u wa emkaam u em i yei kitkhliehlang da waroh kiwa ya emktilang yow pynpliah yei sap wa da e u Blai cha kiwa thaiñ that. Da pynsñiaw u leh yei kmen wa katni da em le pateiñ kiwa thaiñ that kiwa da em ha kani ka yalang, kamtæ da pynchlur u leh ya ki wow pteiñ ki wow bood wei wow pynneh pynsah ya ka dustur riti wa da yah da ki warim wajah. 

Hawa khana ya ki jait that wa da pynmih napoh ka jylla kiwa da yoh yei yaroh chadooh cha Europe wa kiwi ki bynta ka pyrthai, kamtæ khut u ya kiwa thaiñ that wow pynemkaam yei buit i budia wa rap phær yong ki ha ki that wa thaiñ ki yow ye u pyndap yeiwa kwah ki bru kamjooh yow ye u yakob lang wa kiwi ha ki yaaw ki haat wa em hapoh pyrthai.

Neiliang u Mayral Born Syiem da ban joor u yei emkaam wow em ya ka Geographical Identification (GI) Tag neibynta ki that Ryndia yow tipmit ya ki kam kiwa da pynmih napoh ka jylla. Da ban joor u leh yei emkaam wow pynneh pynsah yei yongrim nadooh i rukom ri ya ki khñiang Ryndia, i rukom pynmih rong wa i rukom thaiñ that.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha kani ka sngi u Montri deilang wa kiwi da saam ki ya ka Pehchan Card & Yarn hapoh ka Income Generation Programme cha kiwa yoh myntoi wei da e Award leh cha kiwa boon kiwa thaiñ that kamjooh ki Co-operative Society ka jylla.

Yei naam Best Co-operative Society da e cha ka Mukhap Handloom & Handicraft Co-operative Society, West Jaiñtia Hills District; yei naam Best Handloom Entrepreneur da e cha M/s Nangcwa Diwon, Ri-Bhoi District; yei naam Successful Independent Weaver Award da e cha ka Ivy Lorna R Marak, West Garo Hills District; yei naam Efficient Weaver of Departmental Centre Award da e cha ka Manju Rabha, East Khasi Hills District katwa yei naam Longest Serving Weaver da e cha ka Menri A Sangma, West Garo Hills District.

Ha kani ka sngi, u kongsan deilang wa kiwa chah khut sñiawbha da pynlait ki leh ya ka kot Coffee Table Book hajrong u Meghalaya Silk wa e pyrtuid “Woven Narratives” wei da wai leh ya ka Textile Map ka Meghalaya.