U Montri wa wa pait ya ki Kaam Pohyug ka ri, u Amit Shah daw khut biang u ya ki ar ngut ki Montri Rangbah, u Himanta Biswa Sarma wa u Conrad Sangma wow pteiñ yaklam biang wow pynbait ya u pood u kaam hapyrdi kini ki ar jylla wei ya ini da pyntip da u Conrad Sangma.
U Conrad da ong u wa ka yalang ka dhab ki Montri (Cabinet) ynne ka sngi toh wow pyntip ya i man i long heiyatoh wa i pynbait ya u pood wa ka Assam, wei neibynta i bynta wa nyngkong kiwa man 6 tylli na ki 12 tylli ki thaw kajia.
Da ong u wa ha ki kajiak sngi chwa wow lai yachem ya u Amit Shah daw em biang i yachem ki ar ngut ki Montri Rangbah ki ar jylla.
Chooh chooh da ong u wow pynbait ya ki khappood hadooh katni wa ka jylla Assam dadep kamwa 98% wei kawa sah sa kamwa 2% yeiwa da yooluti wow pyndep noh ha ki kajiak sngi, neibhah neiliang ka Ministry of Home Affairs daw khut ko ha kani ka tayaw namo ha ka tayaw wa nyngkong u Thohlakhmi (Feb).
