U Montri Rangbah ka jylla, u Conrad K Sangma da ong u wa i klam wa ka sorkar India daw paan tih ko da u Uranium lada ym ye u su ya ka ram toh i klam deiwa mutdur wei wow pynkulmar ya ki paidbah.
U MLA ka Liang Pyrchah yong ka Voice of the People Party (VPP) na Nongkrem, u Ardent M Basaïawmoit, hawa klam hajrong ka ‘Governor’s Address’ hapoh ka yung dorbar ha kani ka tayaaw da ong u wa iyi wow jia lada ka sorkar bei ha kawi ka sngi phah ko ya ka sorkar jylla wow su noh ya ka ram heidur yong u Uranium.
U Montri Rangbah da ong u wa i chim ram man bait ko katkam ka kyndon yong ka aiñ wei lada ka sorkar kwah ko wow chim ram leh ym ye ko wow leh khlem da lai katkam ki kyndon.
Da ong u wa kani ka rukom mutdur daw pynkulmar ko ya ki paidbah wei kani ym toh ka luti wa biang. Ka sorkar India da booh ko thij pa thij ki kyndon wei ka sorkar jylla leh da bood pynrkhiñ bha ko ya kitæ ki kyndon. Kamtæ ini wa da kylli wow booh hadooh wow poi cha utæ u pood ym mih ko, wei lada mutdur hadooh utæ u pood wa sñiaw chyrkhei leh ym jia i.
Da pynche u leh wa lada em kiwa sñiaw thut yei rukom chim ram, ye i wow pynche, wei dadep pynche da ki spah sien leh wei daw pynche biang, wei dadep leh u batai wei kamwa da batai che cha waroh kammon u su wei iyi i daw wa hap chim chooh chooh leh u batai pynche biang.
U Montri Rangbah da ong u wa ka ram kawa chim ka sorkar jylla, hadooh 90% toh u su da ka sorkar India, wei ini pynyoo ko wym em iyi iyi i eh na ka ram næ wow sah ram wei iyi wa ong u President ka VPP u mutdur wow jia, la kammon kammon leh ym jia.
Discussion about this post