Dadep pyrchang da ka Scientific Mining tangwa ym yoh myntoi, daw lai yaklam wa ka sorkar pyrdi yow thooh da kiwi ki laad

U MLA ka Jowai uwa man leh kam u Montri sorkar, u Wailadmiki Shylla da ong u wa ka sorkar MDA da ye ko wow wai yei tih mooyong hadien wa khang ka NGT ha u snem 2014 heiwa ha itu i por da em ka yakhih wa joor heiwa da dooh leh yei mynsien bru.

Tangwa ki kyndon wa da booh ka Coal Ministry yow tih mooyong toh da ka Scientific Mining heiwa ini da man ko iwa eh bha ya ki bru yong i wow bood neidaw i rukom man i thaw i bhaw cha i.

Hanla kattæ leh da em kiwa da wan chakhmat wow yaleh yow yoh biang u tih mooyong tangwa kattæ da sñiawthooh ymtoh iwa suk khamtam ya kiwa khih mooyong kiwa khian wa nai wei ka sorkar leh sñiawthooh ko yeini.

Related posts

Ki Constituency ka East Khasi Hills kiwa boon dooh kiwa thap Vote wa chah pyndam pyrtuid

August 9, 2026

Hap Test biang sa chisien ya u Pilot ka Air India hadien wa nyngkong chem toh uwa pynemkaam drugs hadooh wa mynsoo ki 17 ngut

August 9, 2026

Da ong u wa lada tih mooyong deiwa leh da ka Open Cast Mining ym yahaap ko neibhah ki paar mooyong wa em cha i toh kiwa stang bha wei da man ko leh i dooh nong. Kamtæ ha oo samen leh sñiaw u yei jooh deilang ki MLA ka Jaiñtia Hills tangwa kam ka sorkar leh em ko yei bahkhlieh wow yada ya ka bei rymaw wei ymtoh leh wow ktah yei khih i khan ki bru.

Da pynche u leh wa kattu dadep pyrchang katkam wa da ong ka sorkar pyrdi wow leh da ka Scientific Mining heiwa ym em man ko kawa yoh myntoi cha i, kamtæ ha oo hi samen sñiaw u wow lai yachem biang ya ka sorkar pyrdi yow thooh da kiwi ki laad wow tih mooyong deiwa pyrkhat ya kiwa khih mooyong kiwa khian wei ha ka juk stat wa katni em bait ki laad.