Ka seiñ Jaiñtia National Council (JNC) da lai e mynsien ko ya u Marshall Biam uwa man kam u President ka Jaiñtia Coal Owner Miner Suppliers & Workers Association (JCOMSWA) uwa da pynman yei chah thngan ha rood u sarok Ladrymbai yow dawa na ka sorkar wow wai biang yei tih mooyong yow yoh myntoi kiwa khian wa nai.
Neiliang ka seiñ JNC da ong ko wa u Marshall Biam toh uwa em mynsien sakhiat wow chakri paidbah, kamtæ da khut ya kiwi wow wan e kyrchaan ki neibhah u mooyong toh u ja kpoh kiwa boon.
Ka seiñ da phah ko leh ya ka khubor cha ka sorkar deiwa ong, “Sorkar thlah khmat, kyruiñ cha kiwa dooh wa duk ka Ri Jaiñtia ileh wa yoobeiñ, ileh wym wai ya u mooyong deiwa yoo wyrai deiwa pyrkhat ya ki khon ki kti, ki pateiñ kiwa im ja na u mooyong ymtoh kam kiwa chong chuki sorkar”.
Discussion about this post