Shillong: U Montri ka tnat Public Health Engineering (PHE) ka sorkar jylla, u Samlin Malniang da ong u wa ka sorkar dadep wow ya soi soskular wa kiwa synchaar Hima kamjooh ki Elaka heiyatoh wa i pynkreh ya ka Greater Shillong Water Supply Project wei wow chna ya ki thaw pynlang um na ka wah Umiew ha Mawphlang.
U Malngiang da pyntip u wa ka tnat da soi ko ar tylli ki soskular wa ka Hima Mawphlang, kawi ha u snem 1978-79 kawa ar won ha u snem 1999-2000 wei kini ki soskular dang krehkaam ki hadooh katni.
Yeini u Malngiang da ong u hawa jubab ya iwa kylli u MLA ka Mawphlang u Syntar Klas Sunn, ha ka dorbar ynne ka sngi.
Heiyatoh won wa ka soskular wa ka Hima Laitkroh u Montri da ong u wa katkam wa tip u, ym em kam katæ, katwa u Sunn da kyntait u yeini iwa jubab u Malniang deiwa ong wa da em ka soskular wa soi da u Ronnie Lyngdoh wa ka hima.
Neiliang u Lamphang da phah u ya u Montri wow thooh yutip wei wow jubab yeini mynstep ka sngi.
Discussion about this post