Hadien wa ka Hynñiewtrep Integrated Territorial Organisation (HITO) da booh ujor ko ha ka 2 tarik uni u bnai ha ka Meghalaya State Pollution Control Board (MSPCB) pyrchah ya ka RNB Cement wa em ha Umiam Industrial Estate, Ri-Bhoi District hajrong i tyngkheiñ kyndon ko wow yada ya ka rymaw wei wow bood ki kyndon katkam wa da booh da ka Board.
Neiliang ka MSPCB da phah ko ya ki sahep yong ka wow lai pait wei takit yei rukom krehkaam kani ka karkhana heiwa da chem yei tyngkheiñ kyndon.
Da chem wa i mih tdem toh nei wym em krehkaam ki Pulse-Jet Bag Filters wa em ha u Conveyor Belt Transfer Point 4 & 5 yong ka Cement Mill Station.
Da pyntip leh wa ini i sih kini ki kor toh iwa da jia nyngkong ha ka 29-06-26 wei da pynsangeh ya kani ka karkhana yow pynchna yeiwa sih.
Neiliang ka MSPCB da ong ko wa ini wa jia toh iwa da tyngkheiñ ya ki kyndon wa da booh hapoh ka Consent To Operate (CTO) deilang ka Section 21 ka aiñ Air (Prevention & Control of Pollution) Act, 1981 wa Section 25 wa 26 ka aiñ Water (Prevention and Control of Pollution) Act, 1974.
Kamtæ da daiñ kuna ya kani ka RNB Cement da Rs. 20,000 wei lada ym su daw lai chakhmat wow pynchitom ya kani ka karkhana.
Puræ leh: Ujor ka HITO pyrchah ya ka RNB Cement
Discussion about this post