Shillong : Hadien wa mih i wym che wym biang i rukom thung kreh Assistant Teacher ha u snem 2010-11 heiwa da sahteiñ bait i rukom takit weiwow pynchitom ki bor ka aiñ ya kiwa emkti, ynne ka sngi ka President ka CSWO ka kong Agnes Kharshiing da e ko daka mukotduma PIL hapoh ka Meghalaya High Court.
Ya kani ka PIL næ ka Public Interest Litigation da e katkam ki kyndon 226 yong ka Riti Synchaar ka ri India (Constitution) pyrchah yaka sorkar jylla Meghalaya.
Ya kani ka Mukotduma da e heiyatoh wa i kaam thok kaam chukor heiyatoh wei thung kreh ya kiwa sikai skur da ki kattu katni ngut ki heh wa ki Montri sorkar kiwa pait khamtam yaka tnat puræ puthi ha u snem 2011 kiwa kynthup leh ya ka Montri ka tnat Stat i Tip (Education) ka Ampareen Lyngdoh.
Heijooh i por da leh yeini hadien wa ki pulit ym em u takit bha ki ya ka FIR wada file daka kong Kharshiing, ki CBI ym em u kem ki ya kiwa emkti heini i kaam, hajrong wada mih ki sabut waroh, weiwow e yei hok yong kitu kiwa da dooh yei khih hadien wada leh thok ki heh sorkar.
Ka Yung Bichaar u Chief Judicial Magistrate da chong ko boonsien heiyatoh wa kani ka kaam tangwa hadooh katni ympu em u mih kawon kawon ka hukum kawa skem heiyatoh wa kani ka kaam.
Discussion about this post