Shillong: Ki manbei manpa na ki manyung wa rap duna i yoh i kot ka chnong Madanriting da pynsñiaw ki yei e khublei ya u MLA/MDC ka Nongkrem, u Lambor Malngiang uwa man leh u Chairman ka State Planning Board ka sorkar jylla hajrong i e yrap u daka song poisa cha ki manyung kiwa dooh na kiwa dooh kiwa chah ktah haka Lockdown.
Kani ka thong lane ka Mission wow e yarap da ka song pisa cha ki manyung wa kyrdooh tam ha waroh kawi ka Constituency kiwa em kamwa 5500 tylli ki manyung, u Lambor Malngiang da pyndep chwa u wow e bhah ya ki manyung wa da poi kamwa 200 tylli ha Madanriting kawa em 7 tylli ki Block iwa da leh man ka sngi Saturday.
“Boon na kini ki manebi manpa ym yoh de ki ya i laad kam nachwa wow kamai kajih wow khih u khan yow pyndap ya iwa emkaam ha yung hasem wa ki khon ki kti. Wei em leh ki manyung kiwa ngat haka kjut ka chitom ki wym ye de wow thied ya kiwi kiwi wa emkaam ki. U khoo neiliang yong nga da dep pynpoi tangwa nga tip O wa em ki manyung kiwa emkaam ya kiwi kiwi ki yarap leh,” da ong u Malngiang.
“Nga chim O ya i rai wow e bhah daka song poisa hanla man ko kawa khian tangwa u man ko i myntoi yaki manyung “.
“Nga em O i sñiawkhia wow tip wa em ki manyung da kthang ki neidaw wa em ka Lockdown ha kini ki bnai tangwa katwa ye i bor kam u pa ka Constituency u kit u kynrong ya iwa eh. Iyi wa nga kyrpaad na phi toh wow ya krehlang wa nga kamjooh kiwa yahkhmat chnong deilang waka sorkar jylla ha ini i yaleh wow yada na u COVID-19”, da ong u Malngiang.
Discussion about this post