Ka sorkar Meghalaya ynne da chim ko yaka rai wow pynman daka Total Curfew nadooh na Byrnihat hadooh Khanapara, Ri-Bhoi District wow yada nei poor ka khlam COVID-19.
Ynne i step kam wow pynkynmoo da em sa uwi na Khanapara, Ri-Bhoi uwa da yoh COVID-19 uwa poor na uwa yoh chwa ha Khanapara.
U symbood montri rangbah u Prestone Tynsong hawa pynbna ya ini da ong u wa kani ka Total Curfew u krehkaam ko nadooh 9 waje i miet myntu ka 3 tarik hadooh i step ka 6 tarik heiwa waroh ki bru toh u chong ki khop hapoh yung.
Da pyntip u leh wa da phah yaka DC yow leh yaki Random Test deiwa pynemkaam yaki Rapid Test kit yow lai Test yaki bru deiwa jied katwa yoh wei ka Result toh kawa tip du hadien kattu katni minit deiwa leh da kani ka Rapid Test.
Da ong leh wa ya kani ka Curfew da leh neidaw wa katwa dang mih ki sngi dang boon kiwa yoh COVID-19 ha Guwahati kawa katni dang em haka Lockdown wei emkaam leh neiliang ka jylla wow khanglaad yei lai na kawi ka jylla cha kawi ka jylla kiwa em mar chilliang sarok ha kini ki thaw khappood.
Da pyntip u leh wa da phah haka DC wow leh ko yeiwa emkaam yow pynbna bniah cha ki paidbah.
