Dam ki seiñ ri-loom wow kyrchaan ya u PN Syiem ha KHADC

Shillong: Iwa ye u man wow kut noh i synchaar ka People Democratic Forum (PDF) hapoh ka KHADC hei yahkhmat u CEM u PN Syiem, ynne ka sngi le tylli ki seiñ ri-loom da pynbna ki yei dam noh wow kyrchaan ya ka PDF.

Ha ka chithi wa da soi da ki 7 ngut ki MDC wa kynthup ya ka United Democratic Party (UDP), Hill State People’s Democratic Party (HSPDP) ka Khun Hynniewtrep National Awakening Movement (KHNAM) da e kti ya ka ha u CEM ka KHADC ynne ka sngi.

Ya kani ka jooh ka chithi leh da e ha u KHADC Chairman, u LG Nongsiej wa cha ka Council Secretary yong ka Executive Committee.

Ini i rai da chim chi sngi chwa wow sdang ka yung dorbar (Summer Session) ka KHADC ka wow pyllait ya ka mang poisa ka Council.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Deini i yut kini ki 7 ngut ki MDC, ka PDF kawa jooh em 22 ngut ki MDC da sah ko sei kyrchaan uwi u MDC ka BJP, uwi u NCP wa ki 9 ngut ki MDC samen wei kini leh katkam ka yutip ka wympu ye u pyntikna daw dam noh ki u kyrchaan ya ka PDF.

Ka UDP katni em ko 5 ngut ki MDC tangwa kiwa soi ya kani ka chithi toh du le ngut donhi wa kynthup ya u Teinwell Dkhar, u Donkupar Sumer wa u Equator L Nongrang.

Na ka KHNAM won na ki ar ngut ki MDC yong ka, da soi pyrtuid du u Adelbert Nongrum.

Katwa ka HSPDP won ya tylli ko heiwa waroh ki le ngut ki MDC yong ka da soi pyrtuid ki wa kynthup ya ka Teilinia Thangkhiew, u Samlin Malngiang wa u Blanding Warjri.

U UDP Parliamentary Party Leader, u Teinwell Dkhar da ong u wa i daw wa chim ya kani ka rai toh wa da pynemkaam bakla u CEM yei bor yong oo dei thmu wow chna seiñ saiñ hima wa thymme.

Da ong u leh wa i thmu u CEM toh wow pynkylla noh ya ka PDF cha ka seiñ saiñ hima ka wow tympiah ya kiwi ki seiñ kamwa jia ya ka KHNAM wa da sah sa du uwi donhi u MDC.

U MDC ka UDP u Donkupar Sumer da ong u wa u CEM da sdang u leh wow tuklar hei pynyieñ kyrtong ha kani ka Election MLA wa daw wan ha ki Constituency wa da yatylli ki seiñ ri-loom wei ki paidbah ym em kwah ki wow mih sa kawi ka seiñ ri-loom ka wow tympra yei yatylli yong ki.

Da pyntip u leh wa da yatylli lut ki MDC ka UDP hadooh kitu ki wym em u bien u dam yei kyrchaan ya ka PDF nachwa wei sah sa du u HS Shylla u MDC ka Nongkrem uwa da ong wa daw mih u na ka UDP wa u MDC ka Umroi u Albinus Lyngdoh uwa dang em hapoh ka Executive Committte.

Kiwa mihkhmat ki seiñ ri-loom da rai ki wow chong neiliang kiwa pyrchah wa katni em 6 ngut ki MDC ka Congress, kawi ka UDP ka Rona Khymdeit wa uwi u MDC samen u Pyniaid Sing Syiem.

U UDP PP Leader da ong u wa u PN Syiem da dooh u ya kiwa boon ki kyrchaan ki MDC wei haap hiar noh u kam u CEM wei lada ym leh u yeini daw wanrah da ka No-Confidence Motion pyrchah ya oo.

Heijooh i por leh ki seiñ-ri-loom da ong ki wa ym kwah ki u krehlang wa ka Congress yow chna ya ka EC wa thymme.