U Montri Rangbah ka jylla, u Conrad K Sangma da ong u wa ya katni ki paidbah ymtoh u khih khuslai ki yei duna Petrol/Diesel, wei ymtoh u ngait kulmar ki deiwa pynrap wa lada em iwon iwon, ka sorkar hi daw pynmih ko yei pynbna.
Ini i ong u Conrad toh hawa kylli hajrong iyi leh ka sorkar hadien i maham yong ka North East Petroleum Mazdoor Union wow dam u wan kit phñiang de cha ka jylla Meghalaya nadooh ka 12 tarik uni u bnai kat wym pu pynlait ya ki dkhot ka Union kiwa da chah kem ha ki pulit ka jylla.
U Conrad da ong u wa i em hi ini dawa ka Union wow pynlait noh ya kiwa chah kem, wei da khana u wa ini i kaam e jamin dang lai ko hapoh ka yung bichaar neibhah ymtoh wa leh ka sorkar, wei katni dang yaklam wa ki dkhot ka Union kiwa pynsñiaw yei wym sñiawhun.
Da ong u wa ka sorkar da pyrchang ko ya ki laad ki luti wow pyntikna wa ki paidbah ym maad ki yei eh wei heijooh i por da kyntu u ya ki paidbah wym toh u ngait kulmar næ khih khuslai neibhah hadooh katni i Petrol wa i Diesel dang biang ki ha ka jylla wei lada em iyi iyi ka sorkar daw pyntip ko.
Discussion about this post