Dang bichaar ka sorkar ya ka Dalu, Mawsynram Sub Division

Shillong: Ka sorkar jylla dang bichaar bniah lada u booh namo ym booh ya ka Civil Sub-division ha Dalu wa Mawsynram wa kiwi kiwi ki thaw.

Hawa jubab yeiwa kylli u MLA ka Dalu, u Brening A. Sangma neiliang u montri ka tnat kaam pohyung ka jylla, u James K Sangma da ong u wa ka sorkar daw bichaar ko leh ya kiwi ki thaw ya ka Civil Sub-Division hadien ini da pynrap sa u MLA ka Mawsynram, u Himalaya M Shangpliang, uwa kwah wa ka sorkar u booh Sub-Division ko ha Mawsynram.

U Montri da ong u leh wa hadooh katni ka jylla em ko phra tylli ki sub-division wa kynthup ya ka Mairang, Amlarem, Sohra, Dadenggre, Pynursla, Chokpot, Mawshynrut wa ka Raksambli Sub-division.

Da pyntip u leh wa i lut wow chna Sub-Division yaphær i nei thaw chei thaw.