Shillong: U Montri Rangbah ka Meghalaya, u Conrad K Sangma da pynsñiaw u yei sñiawkhia yei wym ye u krehkaam ka Khasi Hills Autonomous District Council (KHADC) neibhah wa ym em ka Executive Committee (EC).
Da ong u wa ini wym ye u krehkaam ka KHADC da wanrah ko yei eh ya ki paidbah, wei na ini i daw wa da pynman ya ka sorkar wow kyntu ya u Lat ka jylla wow pynkrehkaam noh daka synchaar Administrator ha KHADC, neidaw wa kynthih dieñ kpær palat yong ki MDC kawa da wanrah leh ya i wym yoosuk ha ka synchaar hapoh ka KHADC.
Da ong u wa kamwa man katni i por da biang wow pynman noh yei jied ya u Chief Executive Member (CEM) khang wow yoh noh ya ka EC wa thymme. Da pyntip chooh chooh wa ka sorkar dang bichaar bniah bha ya kani ka kaam chwa wow kyntu ya u Lat wow phah khut ya ka dorbar pynyoo bor.
Discussion about this post