Ynne ka sngi ka ‘Sur ki Nong Mawlai’ da phah dorkhat ko cha waroh ki 35 ngut ki MLA ka Khasi Jaiñtia, wow kyntu ya ki wow klam hajrong i dawa wow beh kreh chwa chipor ya ki 2 ngut ki heh pulit kiwa emkti wow siat yap ya u heh warim ka HNLC ha ka 13 tarik uni u bnai.
Hawa yaklam wa u montri ki kaam pohyung ka jylla, u Lahkmen Rymbui, hajrong ini i dawa da ong u wa ha ka synchaar paidbah waroh em ki ya i hok wow pynsñiaw wei neiliang ka sorkar leh em ko ka yurim wow e chakri cha ki paidbah katkam wa man.
Da ong u wa da em leh ki kyndon wa ka sorkar hap bood wei hap leh ko wei ya ini dang pait wei dang bichaar bniah khnang wow pynhun ko ya kiwa chong chnong.
