U Montri wa pait ya ka chnat Community Rural & Development (C&RD), u Hamletson Dohling ynne ka sngi khaddooh ka dorbar da khana u wa ka sorkar dang bichaar ko yei tyrwa wow sdang ya 19 tylli ki Block wa thymme hapoh ka jylla.
Da khana u wa na kini toh kawa neibynta ka Lumshnong ha East Jaiñtia Hills, Nartiang wa Namdong ha West Jaiñtia Hills, Mawsaw ha West Khasi Hills wa kiwi kiwi de.
Da kular u daw pyrkhat leh yei dawa u MLA ka Salmanpara, u Winnerson D Sangma wow chna ya ka Block wa thymme ha Purakhasia kawa katni da em hapoh ka Dalu Block.
Neiliang u MLA ka Nongkrem, u Lambor Malngiang wa u MLA ka Nongpoh, u Mayralborn Syiem leh da dawa ki wow chna ya ka Nongkrem Block wa Umden Block heiwa u Montri da kular u wow chimkhia yeini.
U Montri da khana u wa da emkaam hadooh T. 12 klur wow chna ya ka C&RD Block wa thymme.
