Ka sorkar jylla ym em e rai ko wow e yarap poisa namo wow e ya ka bai lutsan cha ki manyung ki 6 ngut kiwa khih mylla tih mooyong kiwa da dooh yei mynsien ha iwi i thlu tih moo ha Dienshalalu, East Jaiñtia Hills District.
U symbood montri rangbah ka jylla, u Prestone Tynsong da ong u wa ka Sorkar ymye ko wow rai u e yarap ya ki tangwa haap bichaar bniah bha ko yeiwa da jia waroh.
ADVERTISEMENT
Da pynrap u leh deiwa ong wa kitu ki bru ki tip che ki wa i kaam tih mooyong toh iwa man pyrchah ya ka aiñ wei da leh pyrchah ki ya ka aiñ heiwa ka sorkar ymye ko u ong iwon iwon hajrong ini.
Chooh chooh da ong u wa ka sorkar da ekti ko ya ini ha ka chnat Revenue and Disaster Management wow bichaar bniah yeini wei hadien itæ daw ye wow leh yeiwa emkaam.
