Shillong: U Symbood Montri Rangbah ka jylla, u Prestone Tynsong da ong u wa u Montri Rangbah da bichaar bniah bha u yei pynsñiaw yong ki Party wa em ha ka sorkar Meghalaya Democratic Alliance (MDA) kiwa da dawa wa toh u knieh noh ya ka chnat kaam pohyung (Home) na u James K Sangma uwa man leh u MLA ka NPP.
Hawa kylli hajrong i pynsñiaw yong ki Party, u Tynsong da ong u wa u Conrad K Sangma daw chim u ya ka rai hajrong ini neibhah katni dang bichaar bniah u hajrong ini i dawa.
U Tynsong da pynsñiaw u wa man u uwa smat wow chimkti ya katai ka chnat lada em i tyrwa, deiwa pynrap wa hakhmat yong oo kawon kawon ka chnat man ko kawa emkaam wei toh u pyndep ya ka kamram.
Kam wow pynkynmoo heini wa neiliang ka UDP dang ini wa dep da dawa ki wow chim noh ya ka chnat kaam pohyung na u James K Sangma neibhah wa joor palat ka challan pyrchah aiñ ya u mooyong ha kylleiñ ka jylla, wei kiwi leh ki Party wa kynthup ya ka PDF, NCP waka KHNAM da dawa ki ya ini i jooh wow knieh noh ya katai ka chnat na u James deiwa pynsñiaw wa ym kreh u ya i kaam.
Discussion about this post