Dang booddien ka sorkar yei chah lehbeiñ ka Sister hapoh kawi ka Bus: Conrad

U Montri Rangbah ka jylla, u Conrad Kongal Sangma da khana u wa dang booddien bait hajrong i chah lehbeiñ kawi ka Sister kawa kreh ha South Garo Hills hapoh kawi ka Bus wa lai luti ko ha ka jylla Assam.

Da khana u wa da dep yaklam u wa u Montri Rangbah ka Assam, u Himanta Biswa Sarma wei hapyrdi wa dang man dorbar mang tangka leh da pyntip u lyngba ka Message wa ka sorkar Assam dang booddien ko yeini.

U Conrad da ong u wa hadooh katni, ym pu tip hapoh kawon ka Bus wa da jia ini neibhah ym pu tip ya ka Number Plate, wei da pyntip u wa ki sahep ka Meghalaya da yachem ki wa kani ka Sister yow chim dei thoh iyi wa jia, tangwa da ong u wa hap wow burom leh ya kani ka Sister kawa da maad yeini neibhah itai wa jia da ktah yei pyrkhat pyrdaiñ ko.

Da khana u leh wa hadooh katni ym pu em kwah ko wow wan chakhmat yow ujor ya itai wa jia.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

U Conrad da ong uwa ka sorkar dang thooh yutip chooh chooh ko hajrong itai wa jia, wei pynrap u wa man iwa eh wow ksoh ya waroh ki Bus kiwa lai na a Dudhnoi cha Goalpara, Assam.

Da ong u leh wa kam ini wa jia ym ye wow leh kam wym bna wei ka sorkar kwah ko wow phah ka khubor cha waroh wa ha ka imlang sahlang wa toh u burom ya waroh ki jaitbru wa waroh ki jait niam.

Neiliang u MLA ka Liang Pyrchah, u Charles Pyngrope da wanrah u ya kani ka phang wow yaklam hapoh ka yung dorbar ynne ka sngi heiwa da ong u wa katkam wa mih khubor haka 17 tarik uni u bnai, kani ka Sister toh kawa kreh ha St. John’s Parish kawa em ha Siju, South Garo Hills kawa da chah klam beiñ hapoh ka Bus wei da chah pynhiar ko napoh ka Bus ha i thaw wa langam.