U National Vice President ka National People’s Party (NPP), u Prestone Tynsong da ong u wa katwa dang boon ki seiñ saiñ pyrthai kattæ dang bha. Da ong u wa i mih ki seiñ thymme wa yahkhmat da u Ardent Miller Basaiawmoit, ka Voice of the People Party (VPP) wa i wan psiah ka All India Trinamool Congress (AITC) da man ko iwa kmen wei iwa yoosuk leh ya ki paidbah wa jied ka jylla Meghalaya.
Hawa kylli hajrong ka Trinamool Congress, da kyntait u wow ong iyi iyi, tangwa da ong wa lada toh na kawon kawon ka seiñ leh la ya ka NPP, ka Congress, ka AITC, BJP næ kiwi ki seiñ ha ka saiñpyrthai waroh hi ki toh kiwa kwah wow jop ya ka Election.
Da ong u wa i jied toh i yong ki paidbah ya kiwon wow mihkhmat ya ka Constituency, heiwa da pynrap leh wa ki paidbah ka jylla da yoo ki kammon ka sorkar synrop MDA wa da yahkhmat da ka NPP ka da krehkaam ko wa ki kaam wa da leh khamtam hawa yatoh wa ki phang kiwa rap eh wa kiwa ktah ya ka jylla kam i kaam pynbait khappood wa heiyatoh waka them metor.
