15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dang chimpor ya ka Congress wow wan biang hei bor ha New Delhi: Ampareen

0 Comments
Advertisement ad1

Shillong: Ka heh yong ka Congress ha Meghalaya kawa man leh ka MLA ka Shillong East, ka Dr. M. Ampareen Lyngdoh da ong ko wa i jop ka Aam Aadmi Party (AAP) ha ka Election MLA ha Delhi pynyoo i wa da toh i por yong i kylla ha ka saiñpyrthai ha ka ri waroh kawi.

Hawa yaklam wa kiwa pathai khubor ynne ka sngi hajrong ka Election, ka Dr. Ampareen da ong ko wa da poi i por wa ki seiñ saiñpyrthai tre ri da sdang ki wow ku chakhmat ha man ki jylla wow yakhun ya i synchaar embor ka sorkar India.

Da kyntait ko ya i wym ye ka Congress u leh bha ha kani ka Election, tangwa da ong ko wa ini man i chah pynrem wa khroo ya ka BJP kawa em hei bor ha ka sorkar pyrdi.

Da kubur ko leh wa ka Congress ha Delhi dang chim por wow wan biang ko hei bor (ha jylla New Delhi) wei ini ymtoh iwa phylla, deiwa ong wa ki heh ka Congress ha New Delhi da lai e kyrchaan ki ya ka AAP neibhah wa yoo ki yei leh bha ka sorkar wa synchaar ka sorkar ka AAP.

Heijooh i por da e khublei ko ya u Arvind Kejriwal wa ya ka Aam Aadmi Party (AAP) kawa da ye wow jop ha ka Election MLA ha Delhi, da yaroh ko leh yei rukom krehkaam u Kejriwal kam u Montri Rangbah heiyatoh wa ki kaam pynroi.

Share this:
Previous

Kynreh Trading wa Labour Licence ka HANM ha Bishnupur

Next

Khlaad noh ka Dalit Ryngkhlem