15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Kynreh Trading wa Labour Licence ka HANM ha Bishnupur

0 Comments
Advertisement ad1
Advertisement ad1
Advertisement ad1

Ka HANM Laban Circle ynne ka sngi da kynreh Trading wa Labour Licence ko ha yaw Bishnupur, Shillong kam chibynta wow pynkrehkaam yaka ILP hapoh ka jylla neidaw wa leh stiñ ka sorkar India wow pynkrehkaam yaka ILP.

Ka seiñ da leh ko ya ini kam chibynta i dawa wa i yakhih wa joor yong ki seiñbhalang wa ki paidbah ka jylla. Ya ini da leh daka Anti Influx Operation Cell lyngba ka Laban Circle, neibynta wow beh ya waroh ki mynder kiwa psiah pyrchah yaka aiñ, ki wym biang ya ki kot ki sla wei khamtam dooh ya kitu ki baar jylla kiwa wan khayi pateiñ wei knieh ki yaka kamai kajih naka jaitbru yong i.

Ka seiñ da kam ko wa ha kani ka kynreh da chem ko wa ya waroh ki dukan yong ki baar jylla ki wym em yaka Trading Licence wei kiwa mylla ki wym em yaka Labour licence, wei ini da pynyoo wa ki baar jylla haka thaaiñ Laban ym kheiñsnep ki yaka District Council, heiwa kiwa boon ki dukan leh da pynyoo ki daka Trade License kawa da kut (Invalid) ar snem le snem, ka HANM da booh ko yei kylli yaka chnat Enforcement yong ka District Council wa iyi leh ki hawa yatoh yei roi ki dukan baar jylla. Wei ini i wym burom yong ki baar jylla yaka District Council da pynchrai ko yaka seiñ, wei ha kini ki sngi wow wan, ka seiñ daw pteiñ ko yeini i kynreh, kitu ki wym em yaki kot kiwa biang ka seiñ daw khang bait ko dei wym ap de.

Ha i jooh i por ka seiñ dap ko dei sñiawphylla hawa chem ko wa u MLA u Sanbor Shullai da e u yaka Residential Certificate ya uwi u baar jylla uwa chong wa sah ha Military Hospital Shillong, deiwa kylli kiyi wa e bor ya oo wow e Residential Certificate ya kini ki baar jylla, deiwa kylli leh wa lada ym em Rangbah Shnong mo ha Bishnupur, hadooh wa u MLA da e Residential Certificate u yaki baar jylla.

Katwa i khynra yong ka seiñ da jan poi i cha iwa kut yong kani ka sngi, ki pulit yong ka Laban PS wa Rilbong Outpost da wan ki wow pynsngeh noh. Ka seiñ da ong ko wa daw pteiñ biang ko ha kini ki sngi wow wan, wei da pynche leh cha ki bru yong ka aiñ wa ka seiñ ym emkaam yoh bor ko neiwon neiwon leh, neibhah kani toh ka ri yong i, wei haka ri yong i, i em hok i wow beh ya kiwa psiah pyrchah yaka aiñ.

Share this:
Previous

Da pynlait ya ka Final Photo Electoral Roll ka EJH

Next

Dang chimpor ya ka Congress wow wan biang hei bor ha New Delhi: Ampareen