Ka Synjuk Waheh Chnong Jowai (SWCJ) ynne ka sngi hapoh i yahkhmat u President yong ka, u Alan Niangty wa u Secretary, u Riquoma RQ Laloo da lai pait ki ya ka Maternal & Child Health (MCH) Hospital wa em ha Panaliar, Jowai ya kawa da pynkrehkaam dang kattu katni bnai donhi.
Ka synjuk manda poi ha kani ka thaw da yaklam ko wa u Medical Superintendent kani ka thaw sumaar u Dr. Ebenezer War wa kiwi ki Doctor.
Hadien ini hawa yaklam wa kiwa pathai khubor, u Alan Niangti da ong u wa i daw wan ki ynne toh wa yoh ujor na kiwa boon heiyatoh wa ki sumaar ha kani ka thaw sumaar ya ki manbei wa ki khynnah heiwa u Dr. War da khana u wa duna ki wakreh, ki Nurse wa ki Grade IV wow pynlai bait ya kani ka thaw wei daw yaklam leh waka sorkar wow pynbiang yeiwa emkaam ha kani ka thaw sumaar.
Neiliang u Riquoma da ong u wa da chem iwa emkaam bha toh ya ki Bio Chemical Engineers kiwa emkaam wow em ki ha kani ka thaw.
Neidaw leh wa duna ki Staff Nurse, da hap phah ya ki bru wow lai cha kiwi ki thaw sumaar kamjooh leh i duna kiwa kreh Grade IV wow pynneh yei khooid i jngiar kani ka Hospital wa kiwi kiwi.
Chooh chooh da kyntu u ya ki paidbah wa wan chim dawai neini wow pynneh ki yei khooid i jngiar kani ka Hospital iwa man iwa emkaam bha wow yoh ya i chait i khiah.
Discussion about this post