Heiyatoh wa i e tika hapoh ka jylla Meghalaya wym poi cha ka thong 100% wow yoh tika ym duna chisien da waroh kiwa da chong chnong kiwa da biang i rta, neiliang u Montri Rangbah da ong u wa i daw hi toh wa dang em i tieñ ha ki paidbah.
Da ong u leh wa em hi i kheiñstiñ ki paidbah neidaw wa da duna kiwa da yoh ya u khñiang khlam tangwa hanla kattæ leh dang boon hi kiwa chim tika kiwa wan chakhmat.
Kam wow pynkynmoo wa ka sorkar da booh thong ko hadooh wa kut u snem 2021 wow pynpoi 100% kiwa da yoh tika chsien tangwa ym ye wow poi cha kani ka thong.
Hadooh ynnin ka 2 tarik kiwa da yoh tika chisien da em ki 60.9% kiwa em 12,33,760 ngut. Kiwa da yoh tika won la arsien da em ki 8,84,906 ngut.
