Ynne hawa yoh u yaklam wa u Montri Rangbah ka jylla, u Conrad Sangma hajrong i pynbait lai hiar u deilang wa u Montri Rangbah ka Assam, u Himanta Biswa Sarma cha Khanduli da khana u ya ki daw wa da boohteiñ wow leh yeini toh wa tyngkhooh tarik na waroh arliang wei ymtoh wym kwah wow lai cha Khanduli.
Da ong u wa em ki por wym lait u Montri Rangbah ka Assam, em won ki por wym lait u neiliang yong oo neidaw wa em ki kaam wa hap lai yow pyndep wei kattu daw poi sa ka Independence Day kamtæ ini i kaam da rah ma rah sngi hadooh waroh arliang u ye ki wow pynlait sngi heijooh i por.
Kamtæ da ong u wa kat hadooh kattæ ka sngi da phah ya ki Chairman ki Regional Committee ki ar jylla wow lai pait ki hadien kani ka 15 tarik yow lai ki cha Khanduli yow pynbait ya ki phang wa emkaam bha katni.
Heiyatoh wa i pynyieñ ka Karbi Anglong Autonomous Council (KAAC) ya ka khyrdop Entry Tax Gate ha Khanduli, da ong u wa ym em de khrong dan ha kani ka khyrdop tangwa kani ka Gate dang em hi ko wei em leh i wym ye u ya pynbait hapyrdi ka KAAC waka sorkar Assam kamjooh ka sorkar Meghalaya wei na ini i daw ki Chairman ki Regional Committee u lai ki cha Khanduli yow pynbait ya ini i kaam lada em iwon iwon i wym ya sñiawthooh yow wanrah biang yei suk ha kani ka thaaiñ.
Discussion about this post