Ka Regional Democratic Alliance (RDA) wa kynthup yaka HSPDP waka UDP da chim rai ki wow ya krehlang ha ki ar tylli ki Election, kitæ ha ka Election MP cha Lok Sabha wa ha ka Election MDC kawa daw man ha u snem wow wan.
Ka RDA da yachem ko ynne i miet deiwa yooluti wow pynbna ki ya u kyrtong wa hunlang neibynta ka Election MP, tangwa ha kani ka yalang klem yoh u chim ya kawon kawon ka rai.
Hawa klam wa ki laad pathai khubor, u President ka UDP uwa man u Chairman ka RDA, u Metbah Lyngdoh da ong u wa yei pyrtuid u kyrtong MP daw yaklam biang haka sien chong kawa daw man ha kini ki sngi wow wan.
Hawa kylli da ong u wa ym em itæ i paan Ticket neibynta wow man kyrtong, tangwa da yaklam wei da yasyllok hapyrdi ki dkhot yong ka RDA, heiwa da kyntait u leh wow khana yei pyrtuid yong uwon uwon u kyrtong wa ye wow yakhun kam u kyrtong wa da hunlang.
Discussion about this post