15 49.0138 8.38624 1 0 4000 1 https://wyrta.com 300 0

Dang katjooh bait neh ka um hapoh krem mooyong ha Ksan

0 Comments
Advertisement ad1

Jowai: I yaleh wow taan ya ka um wa em kiwa chah kset hapoh krem mooyong ha Ksan, EJH dang pteiñ hi wei da pyntip kiwa pait ya kani ka kaam neiliang ka sorkar wa ka um dang neh kokatjooh hi hadooh ynne ka sngi.

Katkam wa pyntip uwa e ktien ka sorkar u R Susngi, da ong u wa ka Odisha Fire Service waka Coal India Limited dang pteiñ hi ki wow taan um tangwa ka um ym em hiar ko.

Advertisement ad1

Da pyntip u leh wa ka Odisha Fire Service da taan u ko 6 kynta 30 minit ynne ka sngi wei da sai ko 5, 85,000 liter tangwa ka um ym em hiar ko.

Ka Coal India Limited won da taan um ko 20 kynta wei waroh da sai 22, 68, 000 lietre ka um.

Neiliang ka Indian Navy dang pteiñ hi ko wow pynemkaam ya ka kor ROV ha ka krem mooyong wa em kiwa chah kset.

Ka Plenys-Chennai Technology dang pteiñ wow leh ya ka Sonar Mapping yow chem ya ki krem mooyong wa em cha tre kiwa da chlai um.

U Dr. Sudhir wa u Dr. Niraj Kumar wa kiwa krehlang wakai dang pteiñ ki wow leh ya ka Micro Gravimetric Measurement yow chem neiwon psiah ka um.

Ka Company KSB dang yaleh ko wow pyndait ya ki Pump yong ka wei da yooluti wow sdang ki u pynkrehkaam nadooh mynstep.

U Deputy Chief Minister u Prestone Tynsong da pyntip u wa ka Cabinet da pyntip lut cha ka ya waroh iwa jia wei ha kini ki sngi wow wan ka sorkar jylla waka bor district ka EJH daw chong pyrkhat ki deilang wa ki bru chemphang kiwa da em katni ha Ksan.

Advertisement ad1

0 Comments

Leave a Reply