15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Kyntu ka SNSBH naka sorkar wow pynman aiñ smat ya ka Sixth Schedule Amendment Bill

0 Comments

Shillong: Ki rangbah shnong hapoh ka lama ka Synjuk ki Nongsynshar Shnong ka Bri u Hynniewtrep (SNSBH) ynne ka ka sngi da kyntu ki ya ka sorkar jylla wow yaklam wa ka sorkar pyrdi wow pynsmat noh wow pynkylla ya ka Sixth Scheduled ha ka riti synchaar ka ri India.

Yow pynsñiaw yeiwa kwah ka synjuk, neiliang kiwa yahkhmat ka SNSBH ynne ka sngi da lai yachem ki ya u Symbood Myntri Rangbah ka jylla, u Prestone Tynsong wow kyntu yaklam wa ka sorkar India yei emkaam wow wanrah noh ya ka Sixth Schedule Amendment Bill kawa da sahteiñ nadooh u snem 2012.

Hawa yaklam wa kiwa thoh khubor, u Chairman ka SNSBH u Dr. Werlok Kharshiing da ong u wa  hadien wa da yoh tip wa ki montri ka sorkar jylla daw lai ki cha Delhi, neiliang ka synjuk da lai ki wow kyntu ya u Symbood Myntri Rangbah wow yaklam wa u Home Minister ka sorkar India, u Rajnath Singh wow pynsmat pynman aiñ noh ya ka Sixth Scheduled Amendment Bill.

“I pynkylla ya ka Sixth Scheduled da sahteiñ noh ko ha ka dorbar Lok Sabha wa dang dep neidaw wa wanrah ya ka Citizenship Amendment Bill, 2016, wa ya ka Constitutional Amendment Bill,” da ong u Dr. Kharshiing.

U Secretary ka synjuk, u RL Blah da ong u, “I da yooluti i wa daw wanrah ya ka Sixth Amendment Bill ha ka dorbar wa dang dep neibhah nadooh u snem 2012 ini i pynkylla ym poi ko cheiwon cheiwon leh.” Da pynrap u deiwa ong wa kopsar ka Citizenship Amendment Bill, 2016, man ko ka daw bah wa  boohteiñ ya kani ka Bill hadooh kani ka kynti.

Ha i jooh i por kiwa yahkhmat ka SNSBH da pynsñiaw ki wa ki leh pyrchah ki ya ka Citizenship Amendment Bill, 2016, wei da dep e dorkhat ki cha ka sorkar jylla wow pynsñiaw hakhmat ka sorkar pyrdi yei ma wa yang ya ka jylla wow pynman aiñ ya kani ka Bill.

“I toh ki bru ri-loom kiwa khian paaid, i wan yong ki bru wa na baar daw booh ko yei ma kawa chyrkhei ya ka jaitbru, lada wan du na Assam da ki phaw lak kiwa chah kyntait ha i psiah pyrtuid ha ka National Register of Citizens (NRC) daw tyllep lut ki i,” ong u Dr. Kharshiing.

Kiwa yahkhmat ka synjuk deilang waka Meghalaya Indigenous Tribal Constitutional Rights Movement (MITCRM), da pynsñiaw ki yei pyrchah ya ka CAB hakhmat ka Joint Parliamentary Committee (JPC) ha u Naisan 2018 heipor wa wan ki cha Shillong wow ap u sñiaw yeiwa pyrchah ki paidbah hajrong kani ka Bill.

“Hajrong kani ka yurim i kyntu i ya ka sorkar jylla wow yaklam waka ka sorkar pyrdi wow pynlait ya ka thaaiñ mihsngi na kani ka Bill,” ong u Blah.

Previous
Next

0 Comments

Leave a Reply