Shillong: U Lat ka jylla u wow mih noh, u Banwarilal Purohit da ong u wa kiwa kreh ka Raj Bhavan waroh man ki kam chi yung chi sem donhi wei lada leh bakla ki, oo leh daw man u uwa bakla da ong u lat ka jylla u Banwarilal Purohit chwa wow chimkti noh u kam u Lat ka jylla Tamil Nadu, deiwa kyntu leh ya kiwa kreh wow man ki kiwa yatylli wei kiwa em burom.
Da kyntu u leh ya kiwa kreh wa lada em ki heiwon heiwon leh toh u sñiaw sarong ki wa toh ki man ki kiwa kreh ka Raj Bhavan manda kylli ki bru ya ki.
Heiwi i liang hawa yaklam wa kiwa pathai khubor u Purohit uwa man leh u Lat ka jylla Assam wei dang chimkti u dang du phra bnai kam u Lat wa pait leh ya ka jylla Meghalaya, heiwa da yaroh u leh yei mahajon kini ki ar tylli ki jylla ha ki kaam uiñke suwari neibhah wa dang lah kini ki jylla bar ya ka Kashmir, tangwa da pynrap u deiwa ong wa emkaam wow e wyrta cha ki paidbah kylleiñ ka pyrthai hei yatoh wa iwa em heini.
Da ong u leh wa da toh i por wa ki khynroo khyllood kani ka jylla toh u man ki kiwa da pliah bha wow pait wow yoo wei wow pyllai ya ki kaam uiñke suwari wow khut ya kiwi tawon na kiwi ki thaw.
Da e nongmuna u leh ya ki kaam hotel wa kiwi ki jait kaam, heiwa lada boon kiwa wan kreh na baar katwa dang duna kiwa kreh yei jooh i kaam hapoh ka jylla, kamtæ da kyntu u ya ki wow chimkhia ki ya ki jait kaam wa ye ki u yoh kiwa ha rukom wa mih na ka uiñke suwari.
Heijooh i por da kyntu u ya ka sorkar jylla wow chimkhia ko ha ki kaam uiñke suwari neibhah wa chiboon i myntoi wa ye u mih na kani ka kaam i wow ye u pynmyntoi ya ki khynroo khyllood wa ki chnong ki thaw hi kamjooh.
Chwa wow lai u da kular u leh wow pathai ya ka khubor hei yatoh wa i miat ki chnong ki thaw hapoh ka jylla hanlada u mih noh u na kani ka jylla.
Discussion about this post