Dang mih i pap u Julius Dorphang, dang em chooh ma-ai wa dang sah?

Shillong : Hadien wa kem ya u Julius Dorphang wei da wanrah ya oo ynne ka sngi cha Shillong, da wanrah ya oo leh ha khmat ka yung bichaar kawa da pdiang wow kset ya oo hapoh ka Judicial Custody hadooh 5 sngi hajrong wa kynnoh wa slaitbor u ya ka khynnah wa dang 14 snem arsien.

Neiliang  ka State Child Rights Protection Commission da booh ko sa ka 4 tylli ki FIR wa ong wa u Dorphang da slaitbor u ya ka wi ka khynnah ha ka wi ka Resort wa em ha Umiam. Katkam i phla ka tai ka khynnah da ong ko wa da ksih u ka na rdang hadooh wa dooh sanget ko wei neiliang yong oo da ong u wa da dep su ya ka wei ye u, u leh katwa kwah u wei hadien wa paan um ko, da pakhot u ya ka um chi klong cha ka.

Hei yatoh wa ini da dep kem leh ya ka Mona Lisa Shangpliang wa chah kynnoh wa em kti wa man kam ka dalal, ka Mamuni Parveen ka tre yung wa kreh kani ka khynnah, ka Tarisha Mary Kharbamon, u Madan Bahadur Thapa wa ka Usha Deb Barman kiwa kreh hapoh ka Marvelene’s Inn, Rilbong kawa man tre kiwa hayung u HDR Lyngdoh. Deilang waroh kattu kiwa da chah kem em dapoi ki 7 ngut.

Neiliang u SP ka East Khasi Hills da ong u leh wa daw pynngat chooh ya u Dorphang ha kiwa boon ki kyndon ka aiñ POCSO wei da yooluti ki leh wa daw mih chooh boon ki pyruid ki bru hei yatoh wa kani ka mukotduma.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025