U Montri Rangbah ka jylla, u Conrad Sangma hawa yoh u yaklam wa u Wyrta ynne heiyatoh waka seiñ National Liberation Council of Nongkyndong (NLCN) kawa man kam ka seiñ kieñ suloi wa dang mih thymme hapoh ka jylla Meghalaya, da ong u wa kini kiwa da yoh kem toh kiwa da kam kam ki heh kani ka seiñ wei da kam ki leh wa da sdang ki ya kani ka seiñ wa thymme.
Heijooh i por da ong u wa da tip ki pulit deiwa tikna yeiwa da thmu kini u leh wei da leh katkam ka aiñ pyrchah ya kini wei da dep kem leh ya kitu kiwa da kam toh ki heh nadooh u Chairman, Commander In Chief, Area Commander wa kiwi de.
Heiyatoh won wa kiwi kiwa ya krehlang wa kini kiwa da kam toh ki dkhot ka NLCN, u Montri Rangbah da ong u wa ki pulit da booddien ki ya ki yow pait yei lai i wan ki wa ki kaam wa leh wei waroh toh iwa em hei kti ki pulit wei ymtoh iwa ymye u pait.
Heijooh i por da ong u wa ymtoh wow kheiñstiñ wei wow pyntikna wow leh deiwa khor ha waroh ki bynta yow lait ini i kaam u yohlaad u lai chakhmat.
Discussion about this post