Ka sorkar jylla dang pynkhreh ko wow thied le tylli ki Incinerator namo ki thaw thang ya ki mar wa dadep pynemkaam ha i chait i khiah namo ki Bio-medical Waste ha ki ke tylli ki thaw sumaar ka sorkar ha ka jylla.
Neiliang u montri rangbah ka jylla, u Conrad Sangma da pynche u yei jubab u montri ka chnat i chait i khiah, u AL Hek deiwa ong wa ha Shillong Civil Hospital ym em ko ya ka Incinerator wei katkam wa man katni dang pynkhreh wow theid ya ki neibynta ka Shillong Civil Hospital, Jowai Civil Hospital wa Tura Civil Hospital.
Chwa ini u Hek da pyntip u ha ka yung dorbar wa da em ka Incinerator ha Shillong Civil Hospital.
Neiliang u S.K. Sunn da pyntip u wa kawi donhi ka thaw sumaar ha Shillong kawa em ya ka Incinerator wei katæ toh ha North East Indira Gandhi Regional Institute of Health & Medical Sciences (NEIGRIHMS) wei wa ka Incinerator wa booh ka Shillong Municipal Board ha Marten ym em u krehkaam ko.
U MLA ka NCP, u Saleng Sangma da kyntu u ya ka sorkar wow phah ya waroh ki thaw sumaar ha ka jylla wow booh ki ya ki Incinerator wow thang ya ki jhep.
Discussion about this post