Shillong: U MLA ka liang pyrchah na Mawsynram, u Himalaya Muktan Shangpliang da pynsñiaw u yei sñiawkhia yei wym ye ka sorkar lyngba ka chnat Public Health Engineering wow chna ya ki Ring Well ha ki thaw khappood wa ka Bangladesh kiwa em ha Mawsynram Constituency.
U Shangpliang da pynsñiaw u wa ha i booddien ya kani ka Project da chem u wa ka sorkar wot hadien wa da kular ko wow pyndep noh ya kani ka Project, tangwa hadooh kattæ wot yaka poisa ya kitai ki Project leh ym pu pynlait, wei da sah du hei lai ki File na kawi ka miej cha kawi won.
Da ong u wa da klam ya kani ka phang haka dorbar kattu la 6 sien nadooh u snem 2018, neibhah wa da chem u wa kiwi chong chnong ka thaaiñ ym yoh tikna tang yaka um dih.
Hawa pynche ya iwa kylli, u Montri Rangbah ka jylla, u Conrad K Sangma da ong u wa i emkaam poisa neibynta kani ka Project man ko iwa heh wei chimpor wow pynlait poisa na ki Bank, deiwa ong leh wa em ki kyndon wa hap u pyndep, tangwa da pyntikna wa daw dep pynbiang ya ki emkaam waroh ka sorkar wei daw pynlait noh wow pynkrehkaam ya katai ka Project.
Discussion about this post