Dang pteiñ i e yarap ka sorkar cha ki dkhot ki seiñ kieñ suloi kiwa da wan pyndem

Shillong: U Secretary cha ka Meghalaya, Political Department da pyntip u wa ka sorkar jylla ynnin ka 20 tarik da pdiang ko wow pteiñ ya i yarap ya ki dkhot yong ki seiñ kieñ suloi kiwa da pyndem hakhmat ka sorkar.

Ka sorkar da pyrkhat ko ya ki mukotduma pyrchah ya ki 28 ngut ki dkhot ka ANVC (B) wa 10 ngut yong ka UALA.

Da rai ka sorkar leh wow pteiñ ya i e yarap lyngba ka Rehabilitation Package cha waroh ki dkhot, kiwa kynthup ya ki 363 ngut ki ANVC, 135 ngut ki ANVC (B) wa 50 ngut ki UALA.

Heijooh i por ka sorkar leh da su ko ya ka poisa yarap namo ka Rehabilitation Package cha ki dkhot wa pyndem na ka seiñ GNLA, HNLC wa kiwi ki seiñ kieñ suloi wa khian lyngba ka Rehabilitation Scheme.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Katkam kani ka scheme hadien wa wan pyndem ki dkhot, daw booh ya ki ha ki thawsah namo ki camp heiwa da sneiñ ya ki da pynyoo pynkdaw ya ki ya ki luti wa bha wei wow ye ki u seiñkhih pyn daki yaki hi.

Ki waheh na ki niam wa ki bru chemphang kam ki psychologist leh embynta ki heini wow pynchlur ya ki wow uiñ biang ki cha ka luti wa toh kawa biang.