Heiyatoh wow pynman yaka National Games ha Meghalaya, neiliang u montri rangbah ka jylla u Conrad Sangma, da pyntip u ynne ka sngi wa ka sorkar jylla dang pynkhreh ko wow pynman hi ya ka hapoh ka jylla.
Heiyatoh won waki thaw wow pynman yaka, da pyntip u wa da pynkhreh ha ki le tylli ki thaw heiwa ar tylli toh kiwa da sdang kreh, kawi ha Shillong wa kawi ha Tura wei ynne ka sngi da sdang sa kawi ha ri-loom Jaiñtia ha Wahiajer.
Tangwa heiyatoh won wa mynnu u ye wow pynman ya ka, da ong u wa ka Indian Olympic Association (IOA) dang pynbait ko ya ini heiwa ya kani ka lympung toh kawa pynman man ka ar snem wei da em artylli ki jylla kiwa da em hachwa ka jylla wow pynman chwa kitæ ka Goa kawa toh u pynman chwa neitæ pynbood saka Chhattisgarh lane ka Uttarakhand wei ka sorkar dang yaklam ko wa lada ye u pynman chwa ya kini hapoh ka jylla.
Chooh chooh da ong u leh waka jylla u pyntikna ko wa waroh iwa emkaam toh kiwa da biang yow pynman ya ka National Games.
Kam wow pynkynmoo wa ha Goa neidaw wa em ka khlam COVID-19 da kyrriah tarik noh yaka kawa da dep thmu wow pynman ha u 2020.
