Shillong: U montri rangbah ka jylla u Conrad K Sangma da phah u yaka Finance Department wow pyntikna ki wa i chna yaka Sainik Rest House, Shillong heidor T. 4.87 klur u man ko kawa da pynbiang yaka poisa.
U Conrad ynne da khlieh u yaka 22nd Annual Meeting ka Rajya Sainik Board kam u President yong ka. Da emlang leh u Comingone Ymbon, Montri GAD, u Chief Secretary MS Rao, ka Additional Chief Secretary ka RV Suchiang, ki sahep chipai wa kiwi kiwi.
Hadien ka yalang, u Secretary ka Board u Col. Gautam Kumar Rai (Retd) da pyntip u cha kiwa thoh khubor wa u montri rangbah da phah u yaka Finance Department wow pynbiang smat yaka poisa.
Ka poisa wa da mang yow chna yaka Sainik Rest House, Shillong toh T. 4.87 klur.
U Rai da pyntip u wa yaka Sainik Rest House ha Tura leh dang pyrkhat yaka.
Da pyntip u leh wa yow chna yaka Sainik School ha ri-loom Jaiñtia Hills dang yaklam yaka.
“I lai pait ya i thaw ha thaaiñ Raliang wa Shangpung, West Jaiñtia Hills da dep leh wei dang yang yaka bui (Report) yow yoh yei mynjur naka sorkar,” da ong u.
Discussion about this post