Dang pynlang yutip ka sorkar ya ki kreh wa lait ha ki tnat sorkar

Shillong: U Montri Rangbah ka jylla, u Conrad K Sangma da kubur u wa boon ki kreh wa lait ha ki tnat sorkar waphær waphær ka jylla, tangwa ympu yoh yukheiñ hadooh katwon tylli wa lait waroh.

U Conrad da ong u wa ka sorkar katni da phah pynlang ko hadooh katwon ki kreh wa lait ha ki kyrdan waphær waphær ha ki tnat sorkar waroh, heijooh i por, da pyntip u wa em ki kreh wa dang lai i thung kreh chakhmat ha ki kattu kani tylli ki kreh wa lait.

U Montri Rangbah da ong u yeini hawa jubab yeiwa kylli u MLA ka Umroi, u George B Lyngdoh ha ka dorbar ynne ka sngi.

Da ong u wa ka sorkar em ko ki tnat wa thung kreh kam ki District Selection Committee (DSC), Meghalaya Public Service Commission (MPSC) wa kiwi katwa ya ka tnat pulit da em ka Special Recruitment Board (SRB) kiwa pynbait ya i thung kreh sorkar.