U montri khynnah ka sorkar pyrdi wa pait ya ka chnat Consumer Affairs, Food and Public Distribution, u Danve Raosaheb Dadarao ynne ha Rajya Sabha da ong u wa da pyrchang wow sdang ya ka Scheme wow pynpoi poisa (Direct Cash Transfer) ha ki Bank Account yong kiwa yoh myntoi na ka Public Distribution System (PDS) heithaw wow e da ki mar-baam (food grains).
Yeini da Sdang pyrchang pynkrehkaam (pilot basis) ha ki le tyli ki Union Territory wa kynthup ya ka Chandigarh, Puducherry wa ki thaw wa man sor Dadra & Nagar Haveli.
Kani ka Scheme wow pynpoi poisa toh deiwa bood ya ka Cash Transfer of Food Subsidy Rules, 2015, hapoh yong ka National Food Security Act, 2013 (NFSA) khnang wow yarap ya kiwa yoh myntoi wow thied ya ki marbaam na ki yaw.
Ya ki thaw wow pyrchang pynkrehkaam ya kani ka Scheme toh deiwa bood ya ki kyndon wa da booh da ki sorkar jylla wei i rai wow pynkrehkaam ya ka da ki sorkar jylla.
Da pyntip u leh wa ki jylla daw ye ki wow pynkrehkaam ya ini deiwa thap poisa hapoh kani ka Scheme namo wow pynpoi ya ki mar baam katkam ki kyndon ka NFSA lyngba ki dukan dai rachon (Fair Price Shop).
