15 49.0138 8.38624 1 0 4000 1 https://wyrta.com 300 0
Advertisement ad1

Dang pyrkhat biang ka sorkar chwa wow wanrah ya ki kyndon ka ILP hapoh ka MRSSA

0 Comments
Advertisement ad1
Advertisement ad1

Shillong: Ka dhab ki montri ka sorkar Meghalaya Democratic Alliance (MDA) ymslem de daw wanrah noh ko ya ka Ordinance hajrong i pynkylla ya ka Meghalaya Residents Safety and Security Act (MRSSA), 2016 wei ini i rai ka sorkar wan i hadien wa chong pyrkhat kani ka dhab ynne ka sngi.

Da rai wow e cha ka chnat wa pait yeini wow chim ka rai yong ki wow pynkylla ya ka MRSSA, 2016 wei hadien ini daw chong pyrkhat biang ki montri ka sorkar hajrong ini.

Hawa yaklam wa kiwa pathai khubor hadien ka yalang (Cabinet Meeting), u Conrad K Sangma da ong u wa ka sorkar haap pait bniah bha ko hawa pynkylla ya kani ka aiñ neibhah i thmu ka sorkar toh wym kwah ko wow pynthut ya kiwa wan cha kani ka jylla.

Hajrong i dawa wow thap ya ki kyndon ka Inner Line Permit (ILP) ha ka MRSSA, u Conrad da ong u wa ka thong yong ka sorkar toh wow yada ya ki tre chnong wei hadooh katni pyrchang ko wow thooh ki laad ki luti katkam ki aiñ wow pyntikna u yada ya ka jylla wa ki paidbah.

Da ong u wa kiwa boon sñiaw ki wa ka ILP man ko du kawi ka laad wow yada tangwa itæ man i iwa bakla neibhah wa em boon ki laad wow yada ya ka jylla kiwa man katkam i ebor ka riti synchaar cha ka sorkar jylla. Da pynrap u deiwa ong wa ka sorkar pyrchang ko wow chna ka aiñ wa kam ka ILP pyn daka hi khlem lai lyngba ka sorkar India.

Heiyatoh won wei thmu wow pynkrehkaam ya ka Citizenship Amendment Bill, u u Conrad da ong u wa ka sorkar jylla nadooh wa sdang da pynsñiaw ko wa emkaam u phyllu yumut bha hajrong kani ka kaam ymtoh du hapyrdi ki sorkar jylla wa ka sorkar pyrdi.

Da ong u leh wa yeini da yaklam u wa u montri ka kaam pohyung ka ri, u Amit Shah uwa da mynjur wow yaklam wa waroh ki wow kynthup ya ki seiñ saiñ pyrthai wa kiwi kiwi.

Advertisement ad1

0 Comments

Leave a Reply