U Kyrmen Shylla, uwa man kam u Montri sorkar wa pait ya ka chnat Excise, Revenue & Disaster Management wa kiwi de da pyntip u wa ka sorkar dang pyrkhat ko wow khrong dan na ki yakob khwe dakha deiwa booh noh ya kini ki jait kaam hapoh ka aiñ.
Da ong u ym sñiawdur u wa kiwa pynman ya kini ki yakob khwe dakha u khñium ki wow su dan cha ka sorkar wei ka sorkar daw pait ko wa hadooh katwon ka dan u ye ko wow pynmih na kini ki yakob khwe dakha.
Chooh chooh da ong u wa hei sñiaw yong oo samen ym ye u kheiñ yei khwe dakha kam i yakhle tangwa ha kini ki yakob da e da ka song poisa wa heh.
Kam wow pynkynmoo wa ha Eastern West Khasi Hills da dep khang wow pynman ya ki yakob khwe dakha kiwa em ya ka song poisa palat T. lak wei ka bai chimbynta ymtoh u man ko palat T. 100 pyrsiej.
Hapoh ka jylla da jooh em ki yakob khwe dakha kiwa su da ki lak tangka hadooh da ki kari cha kiwa jop wei da em leh kiwa pynman ya ka Lucky Draw.
Puræ leh: Da khang wow pynman ya ki yakob khwe dakha kiwa palat T. 1 lak ka song poisa
