Dang pyrkhat ka sorkar wow pynkhlan ya ka MRSSA wei ye leh u wanrah da kawi won ka aiñ

Ka sorkar jylla dang pyrkhat ko wow pait biang wei wow pynkhlan chooh ya ka aiñ wa da em chwa ha ka jylla katæ ka Meghalaya Residents Safety and Security Act (MRSSA) næ wow wanrah noh da kawi ka aiñ neibynta wow yada nei chah tyllep ha ki bru wa na baar.

Hawa klam wa kiwa thoh khubor ha ka sngi Thohdieñ, u Symbood Montri Rangbah ka jylla, u Prestone Tynsong da ong u emkaam jhan palat wow em noh da ka aiñ yong ka jylla ym wow chaniah du ha ki aiñ ka sorkar pyrdi.

Hawa kylli hajrong i yoh kem ya ki nong Bangladesh, da ong u wa em ki por wa ki BSF yoh kem ki na khappood wei em leh ki por wa da yoh kem da ki pulit, heiwa da ong u wa hadien wa yoh kem ya kiwa wan psiah pyrchah aiñ wa hap wow bood katkam ki aiñ ka sorkar pyrdi wei da hap wow phah biang ya ki cha ki thaw wa wan ki.

U Prestone da ong u leh wa ki bru wa wan psiah pyrchah ya ka aiñ ymtoh du na ki khappood Meghalaya-Bangladesh, tangwa da wan ki leh na kiwi ki jylla kam na West Bengal, Rajasthan wa Bihar.

Related posts

Iñkhaw ka Bolero Pickup ka Shree Cement neiwa chah kawang Petrol Bomb ha ki bru wa kah durkhmat ha EJH

August 25, 2026

Daw pynman ya ka e sikai pynriam pynchna syntu wa i chna kpieñ neibynta waroh

August 25, 2026