Pyndep kiwa boon ki chynrang wa kynthai yei chah sikai chna kchu khyndaw

Ka Pt. Nehu Deen Upadhyay Community College and Skill Development Centre Wahiajer kawa man ka chnat puræ yong ka North-Eastern Hill University (NEHU), ha ka 18 tarik uni u bnai da pynkut ko ya ka e sikai chna kchu khyndaw “Pottery” wa 7 sngi kawa da pynman nadooh ka 10 tarik hadooh ka 17 tarik uni u bnai, wei da em kamwa 30 ngut ki chynrang wa kynthai wa wan chah sikai na ki chnong waphær waphær na kylleiñ ka Ri-loom Jaiñtia.

Ha kani ka sngi da wan emlang u Prof. S. Umdor Pro-Vice Chancellor ka NEHU kam u kongsan, u Lukas Jat, dkhot ka chnong Wahiajer kam u symbood kongsan, da emlang leh u F.R. Sumer, Principal kani ka Community College, u Latu Nartiang, Branch Manager ka Meghalaya Co-operative Apex Bank Ummulong wa kiwa chah e sikai.

Ki waheh wasian hawa e yei klam da e khublei ki ya kani ka Community College wa chim ko yei kitkhlieh wow pynman ya kam kini ki jait e sikai wa ye u wanrah chiboon i myntoi ya ki khynnah wa wan chah e sikai.

Da yaroh ki leh ya kiwa pynlai kani ka College wa da pynchlur ko ya kiwa wan chah sikai u pynlut yumut ki hei tip i stat wa yoh ki lyngba kani ka e sikai wei yei pynyoo pynkdaw ki ya kiwa chimbynta kamjooh leh ya kiwa chong chnong ka Wahiajer wow sñiawthooh u ri kyndong ki yeiwa e sikai wa kyrpang yong kani ka College neipor cheipor iwa ye u wanrah chiboon i yoh myntoi.

Related posts

Chah tooh ka muna wa em ka poisa Rs.1 lak, i ksiar wa ki kot ki sla wa emkaam | Kyntu ka tre wow pynyuiñ

July 6, 2026

25 sngi chi bnai toh u yoh baam ki khynnah wa ki manbei wa dang kha khon tangwa ha East Jaiñtia tang chisien chi bnai leh ym em yoh: JNC

July 6, 2026

Da kyntu haroh ki wow pynemkaam hok yei tip iwa yoh na kani ka chlem e sikai khnang yow yoh ki ka laad u kyrchaan hei kamai kajih yong ki wei wow ye ki u yieñ hei kjat yong ki hi.

Kyntu haroh ki ya ki khynnah wow kreh chitom wei wow booh kyrpang yeini i tip tynre iwa yoh ki na kani ka e sikai wei wow kyntu kynrong ya ki bru yong ka imlang sahlang ha kini ki jait kaam chna kchu khyndaw da ka rukom chna deiwa pynemkaam dei kti neibhah wa man ko kam ka laad khayi kawa kyrpang hapyrdi ki jaitbru waphær waphær ymtoh du ha jylla yong i wot ha kylleiñ ka ri India.

Da pynkut ya kani ka yalang deiwa saam ya ki Certificate cha ki khynnah wa chah sikai wei da e yei kyntien e khublei na u Wolnish Rymba,i Program Co-ordinator kani ka College.