Ka sorkar jylla dang pynman ko yaka takit bniah hawa yatoh wa i yap yong ki 6 ngut kiwa mylla tih mooyong, iwa jia ynnin ka sngi ha kawi ka par tih moo ha i thaw wa tip kam i Sorkari, East Jaiñtia Hills District.
Haba yaklam wa ki laad pathai khubor, u montri kaam pohyung ka jylla u Lakmen Rymbui, da pyntip u wa hadien wa ki pulit da yoh yutip ki hajrong ini i jia da lai ki cha katai ka thaw, heiwa da yoh wow sai ya ki metyap yong ki 6 ngut ki, heiwa ya ki 5 ngut na ki da ye wow tipmit wei da pyntip u wa da da em leh ki arngut kiwa toh chi payu.
Ki pyrtuid yon ki 5 ngut toh u Jilal Uddin (25) na Jalabad, Karimganj, u Dilwar Hussain (35), u Ali Hussain (40), u Mokbul Hussain kiwa toh chi payu napoh Karimganj wa u Abdul Sabur (32) na Laborputa, Silchar District.
Hawa jubab yeiwa kylli, u Lahkmen da ong u wa ya katni ym pu ye wow pyntikna iyi wa em hadien ini i yap kini ki 6 ngut, tangwa da pyntip u wa i daw wa yap hi toh wa tkut u sainar yong kawi ka Crane wa kini ki bru pynemkaam ki.
Chooh chooh u Lakmen da pyntip u wa ya u Manager kani ka paar mooyong ym pu em chem oo neidaw wa da yut u wei neiliang ki pulit dang pynman ki yaka takit wa bniah yow chem ya i daw yong kini ki 6 ngut.
